କୋଟିଆ ଗ୍ରାମ ପଞ୍ଚାୟତ ପରିଦର୍ଶନ ରିପୋର୍ଟ (ଦ୍ୱିତୀୟ ଥର କୋଟିଆ ଗସ୍ତ)

2.

କୋଟିଆ ଗ୍ରାମ ପଞ୍ଚାୟତ, ପଟାଙ୍ଗୀ ବ୍ଲକ, କୋରାପୁଟ ଜିଲ୍ଲା, ଓଡ଼ିଶା\n\nଦ୍ୱିତୀୟ ଥର କୋଟିଆ ଗସ୍ତ

Mr. Ramesh Chandra Samal (Senior Advisor-cum-Managing Director)-MCIF\n\nMrs. Chinmayee Das (Director-cum-Secretary)-MCIF\n\nMr. Manoj Kumar Das (Director-cum-President)-MCIF

ତାରିଖ ୦୭.୦୬.୨୦୨୫ ଦିନ ସକାଳ ୧୦ଟା ୩୦ ମିନିଟ୍\u200cରେ ସେମିଳିଗୁଡ଼ାରୁ ଆମେ କୋଟିଆ ଗ୍ରାମ ପଞ୍ଚାୟତ ପରିଦର୍ଶନ ଉଦ୍ଦେଶ୍ୟରେ ବାହାରିଥିଲୁ। କୁଲୁରୀ ରାସ୍ତା ଦେଇ ଦେଓମାଳି ପାହାଡ଼ର ଡାହାଣ ପାର୍ଶ୍ୱର ରାସ୍ତା ଧରି ଗାଲାଗୁଡ଼ା, ଧୁରିଆ, ବଡ଼ମାରଲା, ମାଳିର୍ମାଲା, କେଦାରକଟା, ଡୁମୁରୀଗୁଡ଼ା, କାଷୁଗୁଡ଼ା ଛକ, ଥୁରିଆ, ଟାଉପଦର, ଗାଲିପଦର ଓ କୁରୁଡ଼ିପଦର ଛକ ଅତିକ୍ରମ କରି ଦିନ ପ୍ରାୟ ୧ଟା ୩୦ ମିନିଟ୍\u200cରେ କୋଟିଆ ଗ୍ରାମରେ ପହଞ୍ଚିଥିଲୁ।\n\nଗ୍ରାମର ପ୍ରବେଶ ପଥରେ ଓଡ଼ିଶା ସରକାରଙ୍କ ଏକ ଅଙ୍ଗନବାଡ଼ି କେନ୍ଦ୍ର ଏବଂ କିଛି ଦୂରରେ କୋଟିଆ ଥାନା ଦେଖିବାକୁ ମିଳିଲା। ଗ୍ରାମ ମଧ୍ୟଭାଗରେ ଜଗନ୍ନାଥ ମଣ୍ଡପ ନିକଟରେ ପଞ୍ଚାୟତ ସରପଞ୍ଚଙ୍କ ବାସଭବନ ଅବସ୍ଥିତ ଥିଲା।\n\nସେଠାରେ ସ୍ଥାନୀୟ ବାସିନ୍ଦା ଶ୍ରୀ ସନ୍ତୋଷ ଖିଲ (ପିତା: ସାଣା ଖିଲ)ଙ୍କ ନିକଟରୁ ସରପଞ୍ଚ ଶ୍ରୀ ଲୀଉ ଗେମଲଙ୍କ ଘର ବିଷୟରେ ତଥ୍ୟ ସଂଗ୍ରହ କରିଥିଲୁ। ସରପଞ୍ଚଙ୍କ ପତ୍ନୀ ଆମକୁ ଜଣାଇଥିଲେ ଯେ, ସେ ସେହି ସମୟରେ ଘରେ ଉପସ୍ଥିତ ନଥିଲେ ଏବଂ ସକାଳୁ ଆନ୍ଧ୍ରପ୍ରଦେଶ ଯାଇଥିଲେ।

ସରପଞ୍ଚଙ୍କ ଘର ସମ୍ମୁଖରେ ବସିଥିବା ଦୁଇଜଣ ଯୁବତୀଙ୍କ ସହ ଆମେ ଆଲୋଚନା କରିଥିଲୁ।\n\nଭୂମି ପାଙ୍ଗୀ (ପିତା: ଟିଙ୍ଗେ ପାଙ୍ଗୀ) – +୨ ଦ୍ୱିତୀୟ ବର୍ଷର ଛାତ୍ରୀ, G.J. College, ଆନ୍ଧ୍ରପ୍ରଦେଶ।\n\nସୁସ୍ମୀତା ପାଙ୍ଗୀ (ପିତା: ଟିଙ୍ଗେ ପାଙ୍ଗୀ) – +୨ ଛାତ୍ରୀ, ଓଡ଼ିଶାରେ ଅଧ୍ୟୟନରତ।\n\nଶିକ୍ଷା ଓ ଅନ୍ୟାନ୍ୟ ସୂଚନା ସମ୍ପର୍କରେ ପଚାରିବା ସମୟରେ କିଛି ପ୍ରଶ୍ନର ଉତ୍ତର ସେମାନେ ଦେଇନଥିଲେ।

ପରବର୍ତ୍ତୀ ସମୟରେ ଆମେ ଆନ୍ଧ୍ରପ୍ରଦେଶ ଦିଗକୁ ଯାଉଥିବା ରାସ୍ତାରେ ଆଗକୁ ବଢ଼ିଥିଲୁ। ପ୍ରାୟ ୫୦୦ ମିଟର ଦୂରରେ ବାମପଟରେ ଆବାସିକ ଘର ଓ ରାସ୍ତା ପାର୍ଶ୍ୱରେ କିଛି ଅଟୋ ଓ ମିନି ଟ୍ରକ ଦେଖିବାକୁ ମିଳିଥିଲା। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଏହି ଯାନଗୁଡ଼ିକ ମାଧ୍ୟମରେ ଶ୍ରମିକମାନେ ଆନ୍ଧ୍ରପ୍ରଦେଶକୁ ଯାତାୟାତ କରୁଥିଲେ।\n\nପ୍ରାୟ ୧୫ କିଲୋମିଟର ଆଗକୁ ଯିବା ପରେ ଏକ ପାଣି ଟାଙ୍କି ଦେଖିବାକୁ ମିଳିଥିଲା, ଯାହାରେ ତେଲୁଗୁ ଭାଷାରେ ଲେଖା ଥିଲା। ଏହା ସ୍ଥାନୀୟ ଅଞ୍ଚଳରେ ଆନ୍ଧ୍ରପ୍ରଦେଶ ସରକାରଙ୍କ ପ୍ରଭାବର ଏକ ସୂଚକ ଭାବେ ପ୍ରତୀତ ହୋଇଥିଲା।

ଷ୍ଟ୍ରବେରୀ ଚାଷ\n\nକଦଳୀ ଚାଷ\n\nମାଟିଆଳୁ ଚାଷ\n\nବିଭିନ୍ନ ପନିପରିବା ଚାଷ\n\nକରାଯାଉଛି। ଏହି କୃଷି କାର୍ଯ୍ୟରେ ସ୍ଥାନୀୟ ଆଦିବାସୀ ସମ୍ପ୍ରଦାୟର ଲୋକମାନେ ସମ୍ପୃକ୍ତ ରହିଥିବା ଜଣାପଡ଼ିଥିଲା। ଏହା ଦ୍ୱାରା ସେମାନଙ୍କର ଆୟ ବୃଦ୍ଧି ପାଇଛି ଏବଂ ଆର୍ଥିକ ସ୍ଥିତିରେ ସକାରାତ୍ମକ ପରିବର୍ତ୍ତନ ଘଟିଛି।\n\nସ୍ଥାନୀୟ ଲୋକଙ୍କ ସହ ଆଲୋଚନାରୁ ଜଣାପଡ଼ିଲା ଯେ, ଉତ୍ପାଦିତ କୃଷିଜାତ ସାମଗ୍ରୀର ବିପଣନ ପ୍ରାୟତଃ ଆନ୍ଧ୍ରପ୍ରଦେଶ ମାର୍କେଟ ମାଧ୍ୟମରେ ହେଉଛି। ଫଳସ୍ୱରୂପ, ସ୍ଥାନୀୟ ଉତ୍ପାଦ ଆନ୍ଧ୍ର ବ୍ୟବସାୟୀଙ୍କ ହାତକୁ ଯାଇ ପୁନର୍ବାର ଓଡ଼ିଶାର ବଜାରରେ ବିକ୍ରି ହେଉଛି।

ସ୍ଥାନୀୟ ଲୋକଙ୍କ ମତାନୁସାରେ, ବିଭିନ୍ନ ସ୍ୱେଚ୍ଛାସେବୀ ସଂଗଠନ (NGO) ଓ ସରକାରୀ ପଦକ୍ଷେପ ମାଧ୍ୟମରେ ଆଦିବାସୀ ଅଞ୍ଚଳରେ ଶିକ୍ଷା, ସାମାଜିକ ସଚେତନତା ଓ ଆର୍ଥିକ ବିକାଶରେ କିଛି ସକାରାତ୍ମକ ପରିବର୍ତ୍ତନ ଆସିଛି। ଅନେକ ଯୁବକ-ଯୁବତୀ ଉଚ୍ଚଶିକ୍ଷା ଗ୍ରହଣ କରୁଛନ୍ତି ଏବଂ କୃଷିକୁ ଆଧାର କରି ନିଜ ଜୀବିକା ସୁଦୃଢ଼ କରୁଛନ୍ତି।

କୋଟିଆ ଅଞ୍ଚଳରେ ଓଡ଼ିଶା ଓ ଆନ୍ଧ୍ରପ୍ରଦେଶ ଉଭୟ ରାଜ୍ୟର ପ୍ରଭାବ ଦୃଶ୍ୟମାନ।\n\nଆନ୍ଧ୍ରପ୍ରଦେଶ ପକ୍ଷରୁ ରାସ୍ତା, ବିଦ୍ୟୁତ, ପାଣି ଓ କୃଷି ସହାୟତା ସୁବିଧା ଅଧିକ ଦୃଶ୍ୟମାନ ହେଉଥିବା ଅନୁଭବ କରାଗଲା।

ଓଡ଼ିଶା ସରକାର, ସ୍ଥାନୀୟ ପ୍ରଶାସନ ଓ ସ୍ୱେଚ୍ଛାସେବୀ ସଂଗଠନମାନଙ୍କ ସମନ୍ୱିତ ପ୍ରୟାସ ଦ୍ୱାରା ଅଞ୍ଚଳର ସାମଗ୍ରିକ ଉନ୍ନତି ସମ୍ଭବ।

କୋଟିଆ ଅଞ୍ଚଳ ଓଡ଼ିଶାର ଏକ ସମ୍ବେଦନଶୀଳ ଏବଂ ଐତିହାସିକ ଅଞ୍ଚଳ। ଏହି ଅଞ୍ଚଳର ଲୋକମାନଙ୍କର ସାମାଜିକ, ଶିକ୍ଷାଗତ ଓ ଆର୍ଥିକ ବିକାଶ ପାଇଁ ସରକାର, ବେସରକାରୀ ସଂଗଠନ ଓ ସମାଜର ସମସ୍ତ ଶ୍ରେଣୀର ଲୋକ ଏକାଠି କାମ କରିବା ଆବଶ୍ୟକ।\n\nକେବଳ ଆଲୋଚନା ନୁହେଁ, ବାସ୍ତବ କାର୍ଯ୍ୟ ମାଧ୍ୟମରେ କୋଟିଆ ଅଞ୍ଚଳର ସର୍ବାଙ୍ଗୀଣ ଉନ୍ନତି ସୁନିଶ୍ଚିତ କରିବା ଆମ ସମସ୍ତଙ୍କ ଦାୟିତ୍ୱ।\n\n॥ ଜୟ ଜଗନ୍ନାଥ ॥॥ ଜୟ ଓଡ଼ିଶା ॥\n\nTop of Form